Ангилал: хувийн тэмдэглэл

Саяханы нэг өдөр 1-р сургуулийн тэр хавьд хүн хүлээгээд хэсэг суулаа.Яг хичээл тарж байх үе таарсныг ч хэлэх үү хүүхдүүдийн тоглох,үймж бужигнах,инээх,сахилгагүйтэхийг  өхөөрдөн инээмсэглээд...хир хугацаа өнгөрснийг ч анзааралгүй нэлээд суучихаж.Тэгээд машинаас буугаад  биеийн чилээ гаргангаа ийш тийш харж байтал хэсэг хөвгүүдийн байдал өөрийн эрхгүй маш их анхаарал татлаа.14-15 орчим насны болов уу гэмээр хэдэн хөөрхөн хүү нэг л сонин согтуу ч юм шиг нүд нь гөлрөөл хааяа толгойгоо сэгсрээл хоорондоо юм ярьж хөгжилдөх ч үгүй суугаад байхыг харсым л даа.Гайхаад нэлээд харлаа.Нэг л биш ээ.Тэгээд тэсэхээ болиод хажууд нь очиж яриа өдөв.Нүдээ сүүмийлгэж хараал нэг нь их дуртай ярьж байнаа.Яалт ч үгүй л согтуу юм шиг.Тэгсэн хир нь архи дарс үнэртэхгүй байхын.Янз бүрийн юм асууж ярилцсаар сүүлдээ нилээд нүүр хагараад яасан ийснийг нь хүртэл мэдэж авлаа.Тэр хэдэн хөвгүүн юм үнэртээд мансурцан сууж байгаан байна.Яг юу гэдгээ хэлэхгүй байнаа.Ер нь бол ингэх их гоё байдаг гэнээ.Энэ хэдээр ч тогтохгүй зөндөө хүүхдүүд ингэж мансуурдаг гэнэ.Иймэрхүү л яриа болж өнгөрөв.Нөгөө найз маань ч гарч ирээд бид хоёр тэндээс явлаа.Сэтгэлд нэг л их хүнд юм ороод гарч өгөхгүй хоёр гурав хонолоо доо.Тоглож наадахаас өөрийг мэдмээргүй арван хэдхэн настай балчир хүүхдүүд яагаад ийм замыг сонгох боловоо??Цаашид яахав??
1-р сургууль чинь манайдаа л нилээд нэр хүндтэй сургуулиудын нэг шиг билээ дээ.Буруу сонсоогүй бол хүүхдүүдийг шалгаж авдаг,шалгахдаа урьдчилаад сая төгрөг өгсөн хүүхдүүдээ тэнцүүлчдэг,бас боломжийн айлын хүүхдүүд сая төгрөгний хахууль өгөөд сурчдаг ийм сургууль юм гэсэн шүү.
Энэ ер нь юу л болоод байна даа.Хүүхдүүд нэг нэгнийгээ харж дууриаж дарвихдаа сайн.Ийм байдал газар аваад бидний үр хүүхдүүд  бүгд ийм донтой болчих вий дээ.Сэтгэл эмзэглээд байнаа.