Ангилал: Шүлэг
Дорны намуухан бүсгүйгээс гарамгүй
Дошгин ааш надад бий
Хангар сайхан монгол эрээс дутамгүй
Хатан тэвчээр ч надад бий
Өрнийн янагхан бүсгүйгээс гарамгүй
Өнгө ялдам ааль ч надад бий
Өршөөл үгүй хатуу хорвоод тохирсон
Өширхөл үзэн ядалт ч надад бас бий
Эхийн аугаа сэтгэлээс ялгагдамгүй
Энгүй их хайр ч надад бий
Халуун хайраа умартан
Хуурч мэхлэх тачаал надад үгүй
Итгэнэ үү байна уу өөрөө мэд дээ
Энэхэн зүрхний энэлэн минь дээ
Түлхэнэ үү татна уу өөрөө мэд дээ
Тугал хархан нүдэн минь дээ
Бичсэн: 
