Ангилал: Шүлэг
Нүдний чинь сайханд нэгэн үе согтож
Нүсэр их мөрөөдлийн цэнгэлд түр умбанам
Уруулын чинь сайхан нэгэн үе согтож
Уйтай хүнд сэтгэлийн гунигаас түр салнам
Амьсгалын чинь сайханд нэгэн үе согтож
Ариун энэ орчлонд амь орох шиг болном
Дарс мэт амттайхан амраглалд чинь нэгэн үе мансуурч
Даамай гашуун энэ хорвоогийн өнгийг түр мартнам
Далай мэт гүн хайранд чинь нэгэн үе согтож
Даагдашгүй хүнд сэтгэлийн дарамтаас түр ангижирнам.
...
2009-02-14
Сүүдэрт цохиулаагүй хайр чамтайгаа
Ангилал: Шүлэг
Бүх хосуудддаа гэгээн хайрын баярын мэнд хүргэе ээ.
Сарны мөнгөн толиотой нуурын болорхон бидэрт
Салхитай талцаж ганганасан хун нь байлаа чамтайгаа
Сайран шаргал эмжээртэй амьдралын хэсэгхэн чөлөөнд
Салхитай эвлэлцэж хослон дэлбээлсэн яргуй нь байлаа чамтайгаа
Сүмбэн хөлтэй хөлгийн огторгуй мордсон нуруунд
Сүлдтэйгээ тонгочиж торнисон хөөмий нь байлаа чамтайгаа
Хаялга алаг өдрөөр буцсан шувууд ирэх
Хаврын шөнийн ахуйд шивнээ үүсгэлээ чамтайгаа
Хашлага нарийн зөргөөр харийн гийчид цуврах
Хайрын туурьтай чөлөөнд гунигаа мартлаа чамтайгаа
Цадиг түүхтэй замилангийн борлосон шастирын ху...
2009-02-11
Явдаггүй дээ явдаггүй
Ангилал: Шүлэг
Болдоггүй дээ болдоггүй
Бодол сэтгэлээс минь гардаггүй
Бороон дараах мөөг шиг
Боломж л гарвал сэтгэлд ургасаар
Салдаггүй дээ салдаггүй
Санаанаас ер гардаггүй дээ
Сайн нь ч саар нь салдаггүй
Сэтгэл зүрхийг эзэгнэсээр
Явдаггүй дээ явдаггүй
Ямбалж эрхлэн зүүгдсээр
Яавал их тамлах вэ гэх шиг
Янзтайхан инээн хургасаар
2009-02-07
Хорвоогийн тохуу
Ангилал: Шүлэг
Өгөршиж хатсан хөгшин улиас
Өнчирснөө зарлан салхитай шөнөөр ёолно
Өөрөөс нь холгүй тайранхай хожуул
Өрөвдөлтэй завилан сарны гэрэлд торойно.
Хаврын хаварт хур тосон нялхамсаж
Хос заяанд мөчир бүр нь навчсаар нярайлж
Хайр хайрандаа хөлбөрөн найгаж байсныг
Харин одоо итгэнэ гэвэл бэрхээ
Мөчир мөчрөө ороон гэгээ нэвтлэх зайгүй тэврэлдэж
Үнэр үнэртээ согтон салхи сэмлэх завсаргүй үнгэлдэж
Мөн ч олон залуусыг сүүдэр дороо эрхлүүлж
Үндсээ нэгтгэн хуримласныг хурмаст гэрчилнэ
Гэвч хөрөөний хяхнаа хагацлын аялгуу дарсан
Гэсгээлт орчлонгоос моддын амь чарлаж салсан
Гэрлийн дор нүглийн ө...
Ангилал: Шүлэг
Эзэнгүй мэт сэтгэл хоосроод
Ээжийтэйгээ хуучилжээ суумаар
Эр хүний нөмөрт эрхлэн
Элгээн дэвтээж жаргаж баймаар
Хонгорхон үрээ хацартаа нааж
Хорвоогийн баяр амталжээ суумаар
Холын холд тэнэж одсон сэтгэлээ
Хайрын гал асаан буцаамаар........байна.
Ангилал: Шүлэг
Өр нимгэн сэтгэлд минь
Өлөн хир суулгахаар
Өлсгөлөн харц ээрч
Өмхий хүсэл шуналтаад байна
Энэ биеийг минь тайван байлга
Эргэлзэх хэрэггүй зүгээр орхи
Шунал тачаалд үнгэгдэн
Шуургат замаар алхмааргүй байна
Дур хүсэлд боомилуулан
Донсолгоонт жимээр гүймээргүй байна
Байгаа минь гайхам байна
Байхгүй нь ч сайхан байна
Өнгө мөнгөний энэ хорвоод
Өмгөөлүүлэх хувьгүй нь би юм уу
Өршөөлгүй цагийн хатуу эргэлтэд
Өвдөг нугарах нь би юм уу
Зүгээр л орхи бүсгүй намайг
Зөөлөн сэтгэлт хань чинь хүлээж ядан байгаа залуу минь
...
2008-10-17
...............
Ангилал: Шүлэг
Хорвоо жамаараа чимээгүйхэн эргэж
Хоног өдрүүд ар араасаа цуварч байхад
Дурлал цээжинд багтахгүй дэвэрч
Дарс мэт үгс хөвөрч байсан тэр агшинг
Холдож чадахгүй бие биедээ хоргодон
Хотын гудамжинд өглөөн нарыг харж байхад
Салахгүй юм шиг аашлан
Сархад мэт амтанд мансуурч байсан тэр агшинг
Будагтай хөөтэй энэ орчлонд
Булгилах зүрхнийхээ хайрыг чамдаан барьж байсныг
Хайр хүсэл хоёрыг минь буцалгаж байдаг
Хатан дэлхий та хоёр мартах учиргүй ээ...
2008-10-17
Намар шиг л намар болж байхымдаа уг нь
Ангилал: Шүлэг
Намар шиг л намар болж байна
Навчис шиг л навчис хийсэж байна
Үүл уйлах мэт тунадас дуслуулж байна
Үйлийн үрээ үүрэн би нулимсаа асгаж байна
Хачин их үймж байна сэтгэл
Хүйтэн салхитай нь хамт хүйт дааж
Хаялах цастай нь хамт хаялж
Хачин их шаналж байна зүрх.......
2008-10-16
Загвараа сольчлоо
Ангилал: Шүлэг
Энэ загвар надад таалагдаж байна.Блог маань нэг л өөр гоё болчлоо.Ямар байна даа.Блогоо мялааж сэнгэнэсэн сайхан шүлэг нэгийг оруулнаа.Гадаа сэрүү татаж сэнгэнээл сайхан байна шүү тээ.Маш их таалагддаг нэгэн залуугийн шүлгээс оруулъя.Биш ээ, Залуу нь биш шүлгүүд нь таалагддаг гэх гэж байгаа царай нь.
Би зураг
Өнгө дүрсгүй амьдралыг зурна гэж
Өөрөө би будаг шиг урсана
Өдөр бүхэн өөр өөр өнгөнд уусаж
Үнэндээ энэ амьдрал өөрийг минь зурна.
Ойрдоо намайг солгой гараар зураа юу
Орчлонд олон зүйлээр дутаачихаж
Одод атаархтал жингэнэдэг инээд минь алга
Омог бард...
2008-10-10
Сонгуулийн дон
Ангилал: Шүлэг
Хоосон амлалтууд
Худал инээмсэглэлүүд
Хуурамч ухаантнууд
Худалдаж авахыг санаархагчид
Хаа сайгүй хэнээтнүүд
Эрээн мяраан цааснууд
Эмзэг сэдвийг хөндөгчид
Эрх мэдэлд шунагсад
Сонирхогч сонирхуулагч бүгд
Солиорох дөхсөн донтнууд
Зохиолын дуу хангинуулагсад
Зогсоо зайгүй давхигсад
Зорилго нь тодорхой шуналтнууд
Хэсэг бүлгээрээ талцагсад
Хэрүүлийн алим таригсад
Цэц мэргэнээ булаацалдагсад
Цэвэрхэн бүсгүйд унагсад
Ашгүй удахгүй дуусах нь
Ахиад 4-н жил нам жим
...
2008-10-08
Хөгширчээнэ дөө
Ангилал: Шүлэг
Нэгэн он улирч өнгөрлөө
Нимгэн энэхэн бие минь
Нэгэн насаар элэгдлээ
Нээрээ ингэхэд бүтээсэн минь юусан билээ
Нимгэн энэхэн биед минь нэмэгдсэн нь юусан билээ.
*** *** ***
Танхил энэхэн биеийг минь төрүүлсэнд
Талархлаа аав ээждээ
Хөртийн доор Монгол эх оронд минь илгээгдсэн
Хүүхэн доод заяандаа чиг баярлалаа
Намайг хайрлаж атаархаж бас үзэн ядаж асан
Нарт хорвоод зэрэгцэн амьдарч яваа
Ах дүү амраг садан аялаг гоо найз хүүхнүүд
Аглаг уулын зэрлэг буга шиг сайхан эрчүүддээ баярлалаа.
*** ...
2008-10-01
4, 5-н мөртүүд
Ангилал: Шүлэг
Байхгүй үнэнчээр ханилах гэж
Багын амрагаа зовоогоод яахав
Баяртай гэдэг ганцхан үгийг
Бат ноттойхон хэлээд
Байрныхаа хаалгыг тас саван хаачихья
*** *** ***
Өлөн элгэн дээрээ бодолд ээрэгдэн
Өр зүрхээн гунигийн сүүдэрт хавчуулаад
Даян дэлхий даяар хайр сэтгэл эрэн тэнүүчлээд
Дахиад надад заяахгүй халуун итгэлээ дуудна
*** *** ***...
Ангилал: Шүлэг
Гартаа ганц улаан сарнай барьчихсан
Ганган бүсгүй гунигтайхан алхална
Гуниг цацлах царайн цаанаас
Жаахан түүний хайр гэрэлтэнэ
Чимээтэйхэн гудмаар,өөрөө өөртөөн бэлэглэсэн
Час улаахан сарнайгаа барин алхахад
Цаагуур наагуур зөрөн өнгөрөх бүсгүйчүүд
Сайхан залуу бэлэглэсэн байх даа гэж атаархана
2008-09-23
Чи яг л ид шидтэн мэт
Ангилал: Шүлэг
Хархан нүднээс сувдан дусал бөмбөрөхөд
Ханхүү чиний минь ганцхан үг намайг тайвшруулдагаа
Харанхуй орчлонд ганцаардан гомдоход
Хайртай чиний минь дөлгөөн инээд баярлуулдагаа
Чи яг л ид шидтэн мэт
Чимхийн төдий зөөлөн үгээрээ
Чимээгүйхэн ухаалаг харцаараа
Чин зүрхийг минь чи тэтгэдэгээ
Хүйтэн шөнөөр хөнжилдөө дааран чичрэхэд
Хүсэлт чиний минь ганцхан үнсэлт намайг дулаацуулдаг аа
Хүүхэн бие минь багахан шаналахад
Ханьхан чиний минь дулаахан гар хүрэхийн төдийд би эдгэдэг ээ
Чи яг л ид шидтэн мэт
Чиний л төлөө элэгдэх
Чин үнэнч бүсгүй наддаа
Чи яг л ид шидтэн мэт................ба...
Ангилал: Шүлэг
Хайртай даа чамдаа хайртай
Хар үсний чинь долгионд хөл алддаг
Хархан нүдний чинь талимаанд барьц алддаг
Хамаг бүхнээ умартан дурладаг аа
Гэвч:
Хагацаж чаднаа чамаасаа
Хатуурхаж түлхэж ч чадна
Хайш яйш харьцаж ч чадна
Харин ганцхан мартаж л чадахгүй ээ
Үзэн ядаж үнэхээр дайсагнаж чадна
Үг ч солихгүй тас намжирдаж чадна
Үзэгдэж харагдахгүй арилж бас чадна
Үнэхээр ганцхан мартаж л чадахгүй ээ...
2008-09-02
Таалагдсан учраас copy-доод ирлээ
Ангилал: Шүлэг
Зөвхөн эрчүүдэд
|
| С.Цэвээнлхаазал |
Улс орон мандан бадрах нь
Уруудаж эсвэл доройтон буурах нь
Эрчүүдээсээ л шалтгаалж ирснийг
Эргэх түүхээс харж болно.
Суу алдраа бадрааж явсан ч
Судар түүхэнд бичигдэж үлдсэн ч
Арчаа муутай харчуудтай
Амьдрал мэдэхгүй эрчүүдтэй
Хэчнээн олон улс үндэстэн
Хилийн дээс нь хумигдан булаагдаж
Хэл соёл нь устан арилж
Өрөөл бусдад уусан шингэж
Өрлөгт түүхээс арчигдан арилав даа...
Өнөөдрийн хөгжилтэй гэж магтагдаж яваа
Өрнө дорнын их гүрнүүд
Хил хязгаараа өргөж...
Ангилал: Шүлэг
Ойрд ийм гунигтай байснаа санахгүй юм
Орчлон тэр чигээрээ бүүдийгээд
Нар хүртэл сүүмийгээд
Надтай таарсан хүн болгон гуниад л
Борхон нүдэнд гуниг хөвөлзөж
Хачин их ганцаардлаа
Халуу дүүгдэг сэтгэл хүйт оргиод байх юм
Хааш нь хийхээ огт мэдэхгүй нь
Гунигтайхан харцанд минь
Гудайж харагдах юм амьдрал
Санаа алдах тоолонд минь
Сайхан бүхэн хийсчих гээд л......
Ангилал: Шүлэг
Нулимс яасан гашуун юм бэ
Хацар дагаад л давс аманд уусах юм
Нууцхан сэтгэл яасан эмзэг юм бэ
Хайрандаа зовж шаналах юм
Зүрх сэтгэлээ захир бүү бууж өг
Зөндөө урт амьдрал өмнө чинь бий
Тоглосон хүний үгэнд уярч
Тоотой насаа хасаад дэмий
Хүлээхээн боль хонгор минь
Хүрэн зүрхээ өөрөө хайрла
Хуурамч үгэнд итгэдэг
Хүүхэд зангаа татаж үз
Хайрлахаан боль түүнийг
Хацар эсгэх нулимсаа
Ханцуйгаараа нэг сайн шудраад
Хамгийн сайхан цаг ирнээ гэж шивнэ өөртөө...
Ангилал: Шүлэг
Намар орой болж дээ моддын навчис шарлан
Надтай хамт уйтгарлаад л
Нартай зунаар гайхуулан шаагиж байсан мөчирс
Намайг хэн нэгэн харчих вий гэсэн шиг гудайгаад л
Сэтгэлд гуниг үлдээж үүлс сүглийнэ
Сэмэрч ядарсан хөгшин навчис хөлд унана
Үг хэлдэг бол зовлон тоочоод
Үхэшгүй мөнхийн рашаан олж өгөөч гэх байсан болов уу?
Үгүй бол зовлонгоор дүүрэн энэ хорвоогоос залхлаа
Үтэр түргэн холын холд одъё гэхсэн болов уу?
Намраас тэд салж ядан салж ядан
Нартаас тэд хагацаж ядан хагацаж ядан
Эргэн эргэн харж хэлж амжаагүй үгсээ
Элэг эмзэглүүлэн сүүлчийн удаа хэлье гэхсэн болов уу?...
2008-08-22
Надад хамаагүй
Ангилал: Шүлэг
Өнгөрсөн бүхэн эргэж ирэхгүй
Өнө мөнхөд алсын алст хаягдсан
Өнгө гэрэл хар сүүдэр харнхуй
Өвчин зовлон жаргал цэнгэл
Өчнөөн их цөхрөл гомдол бухимдал
Өнөөдөр надад огт хамаагүй ээ
Улирсан цаг учирсан гай зовлон
Уйтгар гуниг урсгасан нулимас
Унагасан үг алдсан хайр энэ бүхэн
Уужимхан хорвоод амьд буй надад огт хамаагүй ээ
Өнөөдрөөрөө би бахархаж өнөөдрөөрөө би бахархана.
Өнгөрсөн бүхэн эргэж ирэхгүй
Өнө мөнхөд алсын алст хаягдсаан
...
